(Fussball)

Normalerweis schreiwen ech jo net iwwer Fussball. Mee eigentlech sinn ech na méi verréckt no Fussball (a Cyclissem) wéi no Filmer a Popmusék. An haut gëtt et fir mech e Grond ze feieren, well mäi léifste Veräin rem do ass, wou en higehéiert.

Den FC steigt op an d’Bundesliga!

Vu dass ech am Géigesaz zum duerchschnëttleche Kölner awer Realist sinn an net vum UEFA-Cup dreemen, an dovunner ausginn, dass mer néchst Joer rem ofsteigen, ass méng Freed natierlech e bësse gedréckt. Och getrübt gëtt méng Freed doduerch, dass wuel oder iwwel Hoffenheim an net Mainz mat eis ropgeet, an dass mer néchste Sonndeg déi Deppen aus Kaiserslautern an d’drëtt Liga schéisse wäerten. Ech denken et huet na ni e Veräin et fäerdeg bruecht mat der drëttbeschter Ofwier ofzesteigen.

An der éischte Liga wënschen ech mer eigentlech, dass Nürnberg rof muss. Och wa mer d’Ekipp supersympathesch ass, a mäi beschte Frënd zu hinnen hält, gëtt et fir Köln awer méi einfach, wa se géint Bielefeld spille mussen. A souwisou huet e Veräin, dee mat sou engem Kader wéi Nürnberg en huet ofsteigt, et net anescht verdéngt.

W.

Den Oliver Stone ass amgaang no JFK an Nixon, en drëtte Film iwwert en US President ze dréien, an zwar iwwert de momentanen, de Mister Coco Bananas (sou nennt den Homer Simpson en an enger Episode), an de Film nennt sech W.

De Stone hält drop, dass de Film der Realitéit entsprëcht an dës Woch ass annoncéiert ginn, dass amplaz vum geplangten Datum fir de Film (2009), de Film lo schon de 17. Oktober 2008, also nach virun de Walen am November soll an d’Kinoe kommen. Den John McCain soll awer leider – oder glécklecherweis – net dra virkommen.

Den Josh Brolin (American Gangster, No Country for Old Men) spillt den Coco Bananas, d’Elizabeth Banks (The 40-Year-Old Virgin) séng Fra, d’Thandie Newton (Crash) d’Condy, den Ioan Gruffudd (King Arthur, Fantastic Four) den Tony Blair an den Jeffrey Wright (Broken Flowers, Syriana) spillt den Colin Powell. Den Dick Cheney gouf na net gecast.

EW wërft en éischte Bléck mat Aussoe vum Oliver Stone selwer, op de Film: eng Lecture déi ech jidderengem uroden.

Cool Wortschöpfungen

An et stellt sech alt rem d’Fro: iwwerliest da keen dat?

Dës Woch am Kino (09/05 - 15/05)

Utopolis

Max Minsky und ich ass eng Adaptatioun vum Kannerbuch Prince William, Maximilian Minsky und ich vum Holly-Jane Rahlens. Et ass also e Kannerfilm an deem e Meedche Basketball spille léiert fir bei der Europameeschterschaft u säi Schwarm de lëtzebuergesche Prënz (<- check dat) Edouard (ech kann net anescht: LOL) kennen ze léiren. Als Tausch dofir, dass heen hatt am Basket trainéiert, hëlleft d’Meedchen dem Max Minsky bei den Hausaufgaben. Immens, wann ech doheem wier géif ech e kucke gon.
E weidere Kannerfilm ass Sommer mam Jimi Blue Ochsenknecht. Kitschege Film iwwert e 15jähregen, deen op eng Nordséiinsel kënnt an sech do an e Meedche verléift, wat e Frënd huet.
Street Kings ass Action mam Keanu Reeves (meh) iwwert en Flic, dee sech géint séng Zunft riichte muss, nodeem en iergendeppes iwwert e Kolleg rausfënnt. Vu dass et na ni e Film mat engem eenlechen Thema gouf, roden ech iech un, de Film kucken ze goen. </sarcasm>

A lo zu ménge Lieblinge vun der Woch. Made of Honor an What happens in Vegas….

(klickt op d'Biller fir ze vergréisseren)

Kuckt iech déi Pousteren un. De Patrick Dempsey kuckt sou blöd an deem gephotoshoppede Bild dran, dass e wierklech all McDreamy Impressioun aus Grey’s Anatomy toppt. A firwat ass dem Michelle Monaghan säi Kapp hallef ofgeschnidden? Wat wëllen se eis domadder soen? War vläicht net genug Plaz um Pouster fir äer Iddi duerchzesetzen? Läit dat vläicht drun well se bescheuert ass?

An zum Cameron Diaz/Ashton Kutcher Pouster bräuch ee jo wierklech näicht méi ze soen. Einfa nëmme lieblos. E Filmpouster soll en Ureiz un dat watde Film erzielt riwwerbréngen. An um Ufank hunn ech geduet, wat wëll dat Pouster mer soen? Mee lo mierken ech réicht, dass et am Fong all Grond firwat een de Film (net) soll kucke gon, scho beinhalt.

Nuff said.

Utopia

Am Utopia leeft mat Rettet Trigger! e weidere Kannerfilm un. Et ass en norwegesche Film iwwert e Meedchen an e Päerd, wat wéi ech unhuelen Trigger heescht an virun iergendeppes gerett gi muss, wéi dat meeschtens de Fall ass, wa Meedercher an Déiren a Filmer openeen treffen.

Soss gëtt natierlech och rem de franséische Kino gepusht mat Le premier cri, engem Documentaire iwwert Geburt vu Kanner. A schlussendlech leeft nach J’ai toujours rêvé d’être un gangster, deen net d’Fortsetzung vum Geneviève Mersch séngem J’ai toujours voulu être une sainte, mee eng Comédie iwwer véier Gangsteren, déi rausfannen, dass se vläicht de falsche Beruffszweig gewielt hunn. Et kléngt ménger Meenung no sou, wéi wann dat dat Bescht wier, wat mer dës Woch kréien.

Cinémathèque

An der Cinémathèque lafen dës Woch weiderhin em puer Coen (Intolerable Cruelty, Adam’s Rib) a Cassavetes (Husbands, Too Late Blues) Filmer. Des Weideren geet och d’Rei mat 68er Filmer weider, wou natierlech dem Godard säi Meeschterwierk Weekend, wat néchsten Donneschdeg um halwer 9 leeft, d’Highlight vun der Woch sinn dierft. Aner Tipps sinn zwee Filmer an Erënnerung un de kierzlech verstuerwenen Anthony Minghella The Talented Mr. Ripley (09/05; 20:30) an Truly, Madly, Deeply (10/05; 20:00). A fir all d’Frënn vum Wes Anderson kann ech dann o nach annoncéiren, dass säi Klassiker Rushmore e Sonndeg den Owend um halwer 9 wäert lafen.

The Sound of Seagulls?

Hmm…

Gotham

Während de Boris “Witzfigur” Johnson Buergermeeschter vu London gëtt, kämpft anzwouch anescht den Harvey Dent em d’Positioun als District Attorney.

D’Gotham Times an de Maiden Avenue Report si ganz vill un em interesséiert, während e Geeschtesgestéierten léiwer de Geck mat em mécht. Séng Konkurrenz ass allerdéngs och am Web vertrueden, genee sou wéi séng Géigner.

De gréisste Problem zu Gotham ass d’Sécherheet viru Verbriechen, mee dofir gëtt et jo d’Police, deenen hier Internal Affairs Division, a schließlech We Are The Answer. A sou e schwaarze Ritter, deen vu ville gehaasst, mee vun aneren och veréiert gëtt.

Fir déi déi wéi d’Gina Tortericci awer Affer vu Verbriechen gëtt et jo d’Gotham Victims Advocate Foundation oder och d’St. Swithuns Catholic Church. An déi deenen dat alles egal ass, kënne jo och einfach eng Taart iesse goen.

(Et ass einfach déi impressionanst Marketingstrategie, déi ech je fir e Film gesinn hunn.)

Dës Woch am Kino (02/05-08/05)

Et ass Mee, an domadder Startschoss fir d’Hollywood-Summerblockbuster, vun deenen den éischten dës Woch uleeft. Wat soss nach a Lëtzebuerg uleeft, kucken ech mer lo mol un…

Utopolis

Penelope bréngt mam Christina Ricci, James McAvoy a mam Reese Witherspoon em puer vu ménge léifste Schauspiller zesummen an handelt vum Penelope, wat probéire muss Léift ze fannen a sou e Fluch ze briechen, deen op sénger Famill läit. Sou blöd wéi dat och kléngt, soll de Film awer ganz okay sinn. Ëmmerhin ass een Pianocktail Award Nominee dran…
[Rec] ass e spueneschen Horrorfilm an en ass anscheinend gutt.
Am Urmel voll in Fahrt geet et em den Urmel, den allsäits beléiften Draach. Dat wier da wuel mäin Tipp fir déi Kleng dës Woch, vu dass Nim’s Island iwwert e Meedchen, wat mat séngem Professer-Papp op enger Insel festsëtzt, no zimmlechem Quatsch kléngt.
Iron Man ass iwweraschenderweis net nëmme bei Fanboys beléift, mee kënnt och bei de Kritiker gutt un. Virun allem de Robert Downey Jr. soll op ganzer Linn iwwerzeegen.

Den Trailer zu Iron Man.

Utopia

Am Désengagement spillt d’Juliette Binoche eng franséisch Israelin, déi an Israel zréckkënnt während Israel sech aus dem Gaza zréckzitt. An wourëms et a Le grand alibi geet, wees ech net, mee immens gutt soll e souwisou net sinn.

Cinémathèque

An der Cinémathèque lafen déi ganz Woch iwwer verschidde Filmer vum John Cassavetes an de Coen Bridder, niewebäi leeft en Donneschdeg en Documentaire zu der Studenterevolte 68 an e Mëttwoch den 68er Film If…. vum Lindsay Anderson mam Malcolm McDowell an der Haaptroll iwwert eng Revolutioun an enger aler englescher Schoul.

Violet Hill

Déi nei (immens) Singe vu Coldplay kann een eng Woch laang gratis vu coldplay.com roflueden. Ech wees, dat ass net sou gutt, wéi dat, wat Radiohead an NIN offréiren, mee mer huelen dach alles, wat mer kréie, gell?

Niewebäi spillen se och zwee gratis Concerten zu London an NY fir déi een Tickets gewanne kann.

UPDATE: Lo mat depri Lyrics.

Was a long and dark December
From the rooftops i remember
There was snow
White snow

Clearly i remember
From the windows they were watching
While we froze down below

When the future’s architectured
By a carnival of idiots on show
You’d better lie low

If you love me
Won’t you let me know?

Was a long and dark December
When the banks became cathedrals
And the fog
Became God

Priests clutched onto bibles
And went out to fit their rifles
And the cross was held aloft

Bury me in honor
When i’m dead and hit the ground
A love back home unfolds

If you love me
Won’t you let me know?

I don’t want to be a soldier
With the captain of some sinking ship
With snow, far below

So if you love me
Why’d you let me go?

I took my love down to violet hill
There we sat in snow
All that time she was silent still

So if you love me
Won’t you let me know?

If you love me,
Won’t you let me know?

Noir & Toco

Ech hu mer geduecht, dass wann ech schon dee bescheuerten US vs.UK Concours maachen, dass ech d’Fransousen an déi Däitsch och e bëssen zu Éire losse komme kann.

A wéi man ech dat mat méngen zweifelhafte Méiglechkeeten am beschten? Genee: mat enger Top 10 fir déi zwou wuel beschte Bands aus béide Länner.

Ohne Worte

hihi